Internet foydalanuvchilarining ko‘plab iltimoslariga binoan Primorye o‘lkasidagi safari bog‘i ma’muriyati mashhur bo‘lib ketgan do‘stlar ― yo‘lbars Amur va echki Temur istiqomat qilib kelayotgan qafasda veb kameralar o‘rnatishga qaror qildi. Bu haqda “TASS” xabar qilmoqda.
“Saytga tashrif buyuradigan ko‘plab muxlislarning iltimosiga asosan, har qanday kishi ‘Timurning sog‘-salomat ekanligini’ ko‘ra olishi uchun safari bog‘ida veb kameralar o‘rnatish to‘g‘risida qaror qabul qilindi”, ― deydi bog‘ direktori.
Hozircha, yo‘lbars va echkining g‘ayrioddiy munosabatlariga aloqador bo‘lgan ma’lumotlarni internet foydalanuvchilari safari bog‘ining saytiga bog‘ xodimlari tomonidan berilayotgan foto va video manbalardan bilishmoqda. Ko‘pincha manbalarni chop etish kechikib, echki Timurning taqdiri haqidagi ko‘plab savol va fikrlarning kelib chiqishiga sabab bo‘lmoqda.
Eslatib o‘tamiz, yo‘lbars Amur bilan do‘stlashib qolgan echki Timurga umumiy volyerda yo‘lbarsnikiga yondosh bo‘lgan yotoq joyi qurishga qaror qilingan edi.
Izoh (0)