Iroq bosh vaziri Haydar al-Obodiy Anqaradan Iroq hududidagi o‘z qo‘shinlarini 48 soat ichida olib chiqib ketishini talab qilib, aks holda, jiddiy choralar ko‘rilishini, shu jumladan, BMT Xavfsizlik Kengashiga murojaat qilinishini ma’lum qilib ogohlantirdi. Bu haqda “Interfaks” xabar bermoqda.
Xabar qilinishicha, Turkiya bosh vaziri Ahmet Davuto‘g‘li iroqlik hamkasbiga maktub yo‘llab, ular ko‘rsatayotgan serzardalik sababli Iroq hududiga harbiy kuchlarni yubormaslikka va’da berdi.
Turkiya harbiy bo‘linmasining Mosul shahriga kiritilishini Iroq o‘z hududiga qilingan harbiy tajovuz deb baholadi.
Turkiya rasmiylari tarqatgan ma’lumotlarga ko‘ra, bitta batalyonga yaqin Turkiya qo‘shinlari zirhli tank texnikasi ko‘magida IShIDga qarshi kurashayotgan iroqlik kurd jangchilarini tayyorlash maqsadida Iroqqa kirib kelgan.
Izoh (0)