Xalqaro futbol federatsiyasi (FIFA)ning korrupsiya ishi bo‘yicha ayblanayotgan Ekvador futbol federatsiyasi prezidenti Luis Chiriboga hamda uning kotibi Fransisko Akosta uy qamog‘iga olindi. Bu xaqda mamlakat prokuraturasi bergan ma’lumotlarga asosan Yahoo News xabar bermoqda.
Ulardan tashqari, logistika menejeri Vinisio Lunu ham hibsga olingan.
Kito shahri prokurorining ta’kidlashicha, Chiriboga va Akostaning yoshi keksa bo‘lganligi sababli hibsga olinmay uy qamog‘ida qoldirilgan. Bir vaqtning o‘zida Janubiy Amerika futbol konfederatsiyasi a’zosi bo‘lgan 69 yoshli Ekvador futbol federatsiyasi rahbarining barcha hisob raqamlari muzlatilganligi xabar qilinmoqda.
FIFAning korrupsiya ishi bo‘yicha ushbu uch nafar shaxsning aybi o‘z tasdig‘ini topgan taqdirda, ular Ekvador Jinoyat kodeksiga asosan 10 yildan 13 yilgacha qamoq jazo chorasiga hukm qilinishi mumkin.
Izoh (0)