Livan xavfsizlik xizmati Bayrutning janubiy shaharchasida sodir etilgan terakt tashkilotchilari va qatnashchilarini hibsga oldi. Bu haqda mamlakat ichki ishlar vaziri Nuxad Mashnuk ma’lumotiga asoslanib, “Kommersant.ru” xabar bermoqda.
Uning so‘zlariga ko‘ra, suriyalik fuqarolar yashagan va hudkushlar tasmasi topilgan Burj al Barajne va Ashrafiydagi xonadonlar tozalangan. Mashnukning ma’lum qilishicha, besh nafar terrorchini yo‘llaganlar yana bir teraktni amalga oshirishni mo‘ljallagan.
Mahalliy politsiyaning ta’kidlashicha, Livan poytaxtida sodir etilgan terakt oqibatida qurbon bo‘lganlar soni 43 kishini tashkil etmoqda. 240 nafar kishi jarohatlangan. Ushbu portlashlarni IShID terrorchilik tashkiloti o‘z zimmasiga olgan.
Izoh (0)