“Dahshatning o‘zginasi”: Parij terrorchilar hujumiga uchradi (foto)

• Voqea: Parijdagi teraktlar

Teraktlar haqidagi birinchi axborot Stade de France stadionidan kelib tushdi. Bu vaqtda Fransiya va Germaniya terma jamoalari o‘rtasida o‘yin bo‘layotgan edi. Tribunalarda 80 ming tomoshabin bo‘lgan. Matchda Fransiya prezidenti ham ishtirok etayotgan bo‘lgan.

Shuningdek, otishma Fransiya shimolidagi “Kichik Kambodja” restorani yaqinida ham sodir bo‘lgan.

Parijning 11-okrugidagi Bataclan konsert zalida esa 100 ga yaqin kishi garovga olingan. Konsert zaliga qilingan shiddatli hujumda ikki terrorchi o‘ldirildi, o‘nlab garovdagilar halok bo‘ldi.

OAVlar xabariga ko‘ra, teraktlar Parijning 6 ta tumanida sodir etilgan.

Xalqqa qilgan telemurojaatida Olland butun mamlakat hududida favqulodda holat rejimi joriy qilinishi, shuningdek, davlat chegaralari yopilishi haqida qaror qabul qilinishini aytdi.

Eslatib o‘tamiz, Fransiya poytaxti Parijdagi teraktlar qurbonlari soni 150 kishidan oshdi.