AQSh prezidenti Barak Obama 9-noyabr, dushanba kuni Facebook ijtimoiy tarmog‘ida shaxsiy sahifasiga ega bo‘ldi. Bu haqda “RBK” xabar bermoqda.
Obama amerikaliklar uning sahifasidan AQSh oldida turgan muhim masalalarni muhokama etishda foydalanishlariga umid qilmoqda. Ilk mavzu sifatida esa davlat rahbari ekologiyani tanlagan.
“Biz bu go‘zal sayyorani farzandlarimiz va nabiralarimiz uchun saqlab qolishimiz kerak. Bu esa iqlim o‘zgarishi muammosini hal etishda jiddiy qadamlar qo‘yishni anglatadi. Bir necha haftadan so‘ng dunyo davlatlari yetakchilari bilan bu borada umumiy kelishuvga erishish maqsadida muzokaralar o‘tkazish uchun Parijga uchaman”, — deya ma’lum qilgan Barak Obama.
Prezidentning sahifasi hozirning o‘zida 553 mingdan ziyod “layk” yiqqan.
Izoh (0)