Namangan viloyatining Kosonsoy tumanidagi mahalla fuqarolari yig‘inlaridan birining raisi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti (SVOJJDLQK) xodimlari tomonidan qo‘lga olindi. Bu haqda “Huquq” gazetasi xabar bermoqda.
Ma’lum bo‘lishicha, mahalla raisi otasini Haj ziyoratiga yuborish harakatida yurgan hamqishloqlaridan birini 2015-yil boshida oldiga chaqirib, unga otasini ziyoratchilar ro‘yxatiga kiritib qo‘yish imkoniyati paydo bo‘lgani, buning evaziga 200 AQSh dollari berishi kerakligini aytgan.
Otasini Hajga yuborish niyatida bo‘lgan fuqaro bu holat haqida SVOJJDLQK departamentiga ma’lum qilgan, oqibatda qonunbuzar mahalla raisi qo‘lga olingan. Gazeta xabariga ko‘ra, ayol “sud hukmiga ko‘ra, jinoiy javobgarlikka tortildi”.
Izoh (0)