Rossiya Federatsiyasi matbuot ishlari bo‘yicha sobiq vaziri Mixail Lesin 5-noyabr, payshanba kuni Vashingtonda vafot etdi. Bu haqda “TASS” Rossiyaning AQShdagi elchixonasi ma’lumotiga tayanib xabar beradi.
Hozirda uning o‘limi sabablari aniqlanmoqda. Ma’lum bo‘lishicha, 4-noyabr, chorshanba kuni kechqurun Lesin tirik bo‘lgan. Biroq 5-noyabr kuni ertalab u to‘xtagan shahar markazidagi “Dyupon serkl” mehmonxonasi xizmatchisi uni o‘lik holda topgan.
Dastlabki ma’lumotlarga qaraganda, unda o‘ldirish alomatlari aniqlanmagan. Shunga qaramasdan, mahalliy politsiya surishtiruv ishlarini boshladi.
Departament politsiyasi matbuot xodimi Shon Xikmanning ma’lum qilishicha, uning o‘limi bilan bog‘liq shubhali holatlar aniqlanmagan.
Izoh (0)