Misrda halokatga uchragan A321 ning dum qismi fojiaga qadar shikastlangan edi. Bu haqda “RBK” “Kogalimavia” aviakompaniyasi texnik direktori Andrey Averyanovning matbuot yig‘ilishidagi ma’lumotiga tayanib xabar berdi.
Uning so‘zlab berishicha, 2001-yilda Airbus’ning Tuluzadagi bazasida zarur ta’mirlash ishlari o‘tkazilgan va uning sifatiga shubha bo‘lishi mumkin emas. Kompaniya bu hodisa halokatga olib kelishi mumkin emas deb hisoblamoqda.
Avvalroq CNN telekanali halokatga uchragan samolyotning dum qismi 2001-yilgi reysni amalga oshirish chog‘ida shikastlanganligini ma’lum qilgan edi.
Eslatib o‘tamiz, “Kogalimavia” aviakompaniyasi Misrda halokatga uchragan A321 samolyoti parvozoldi texnik xizmatning barcha shakllaridan “o‘z vaqtida va to‘liq hajmda” o‘tganligini xabar qilgan edi.
Izoh (0)