Suriyada halok bo‘lgan harbiyning otasi o‘g‘lida o‘zini osish alomatlarini topa olmadi

Suriyada halok bo‘lgan askar Vadim Kostenkoning jasadida o‘zini osganligini tasdiqlovchi belgilar topilmadi. Bu haqda askarning otasi Reuters’ga ma’lum qildi, deb xabar beradi “RBK”.

“Uning tanasida o‘zini osganligini tasdiqlovchi belgilar yo‘q. Ko‘ramiz, bu haqda prokuratura nima der ekan”, — dedi Aleksandr Kostenko o‘g‘lining dafn marosimidan so‘ng.

28-oktabr kuni u o‘zining Krasnodar o‘lkasidagi Grechanaya Balka qishlog‘ida dafn etildi. Reuters’ning ta’kidlashicha, Vadim Kostenko Rossiya Harbiy-havo kuchlari harbiy xizmatchisining ko‘k rangli formasida dafn etilgan. Uning burnidagi gematoma ko‘zga tashlanib turgan.

Eslatib o‘tamiz, Vadim Kostenkoning ota-onasi takroran tibbiy ekspertiza o‘tkazilishini so‘rab, politsiyaga ariza bilan murojaat qilgan edi.