Afg‘onistonning Qunduz shahridagi “Chegara bilmas shifokorlar” xalqaro ijtimoiy tashkilotga amerikalik harbiylar tomonidan uyushtirilgan hujum natijasida qurbon bo‘lganlar soni 30 kishiga yetdi. Bu haqda “Gazeta.ru” tashkilotning AQShdagi bo‘limi matbuot xizmati vakili Tim Shenk ma’lumotiga tayanib xabar berdi.
Tashkilotning bosh direktori Kristofer Stoks harbiy jinoyat sodir etilganligi prezumpsiyasidan kelib chiqqan holda, “Chegara bilmas shifokorlar” hodisa yuzasidan to‘liq surishtiruv o‘tkazishni talab qilishini ma’lum qildi.
Uning so‘zlariga qaraganda, AQSh harbiy boshqarmasi tomonidan o‘tkazilayotgan ichki surishtiruvning asoslari yetarli emas.
Avvalroq, kasalxonaga qilingan hujum oqibatida halok bo‘lganlar soni 23 nafarga yetganligi ma’lum qilingan edi.
Izoh (0)