Turkiya hukumati Anqaradagi terrorchilik harakati tufayli halok bo‘lganlarning 120 nafarining shaxsini aniqladi, yana sakkiz nafar qurbonning shaxsi noma’lum. Bu haqda “Gazeta.kz” xabar beradi.
“Aksilinqiroz markazi terakt natijasida qurbon bo‘lgan 120 kishining shaxsini aniqladi, sakkiz nafarining shaxsi hozircha noma’lum”, — deyiladi Xalqlar demokratiyasi partiyasi xabarida.
Turkiyaning minglab aholisi 11-oktabr, yakshanba kuni terakt qurbonlari xotirasi uchun Anqarada o‘tkazilgan namoyishda ishtirok etdi.
Eslatib o‘tamiz, mamlakatda sodir etilgan teraktdan so‘ng Turkiya bosh vaziri Ahmet Davuto‘g‘li uch kunlik motam e’lon qildi. Bosh vazirning fikriga ko‘ra, terakt IShID jangarilari tomonidan uyushtirilgan bo‘lishi mumkin.
Izoh (0)