Birlashgan Arab Amirliklaridagi zargarlik ko‘rgazmasida dunyodagi eng katta tilla uzuk namoyish etildi, deya xabar bermoqda Luxurylaunches. Taqinchoq og‘irligi 58 kilogrammdan oshadi.
Uzuk sotish uchun mo‘ljallanmagan. Uning narxi uch million dollarga baholanmoqda.
Uzuk 2000-yilda yasalgan, o‘sha vaqtda uning qiymati 550 ming dollarni tashkil qilgan.
Zargarlik buyumi oq, pushti va sariq oltindan ishlanib, qimmatbaho va yarim qimmatbaho toshlar, shuningdek, Swarovski kristallari bilan bezatilgan. Uning diametri 217,5 santimetrga teng. Uzukni yasash uchun 55 zargar 45 kun mehnat qilgan.
Izoh (0)