O‘zbekistonlik bokschilar Murodjon Ahmadaliyev va Bektemir Meliqo‘ziyev JChni g‘alaba bilan boshladi

6-oktabr kuni Qatar poytaxti Doha shahrida boks bo‘yicha Jahon chempionati bahslariga start berildi. O‘zbekiston terma jamoasining ikki vakili dastlabki saralash bahslarini o‘tkazdi, deb xabar beradi “Stadion.uz”.

56 kilogramm vazn toifasida Murodjon Ahmadaliyev italiyalik Franchesko Mayettoga qarshi jangda ishonchli g‘alabani qo‘lga kiritdi. Hakamlar barcha raundlarda o‘zbekistonlik bokschining g‘alabasini qayd etdi — 30:27, 30:27, 30:27. Murodjon nimchorak finalda mazkur vaznning birinchi raqamli bokschisi, qozog‘istonlik Qayrat Yeraliyevga qarshi ringga ko‘tariladi.

75 kilogrammgacha bo‘lgan vaznda esa Bektemir Meliqo‘ziyev gruziyalik Zaal Kvachatzega qarshi saralash jangini o‘tkazdi. O‘zbekistonlik yosh bokschi 1-raundning o‘zida raqibini nokautga uchratdi. Bahs bir daqiqayu 45 soniyada yakunlandi. Meliqo‘ziyev nimchorak final bahsida fransiyalik Kristian Mbilli Assomga qarshi ringga ko‘tariladi.