Checheniston to‘ylarida Yevropa an’analarining tarqalishiga yo‘l qo‘ymaslik uchun reydlar o‘tkazilmoqda

Grozniy shahridagi madaniyat departamenti to‘y reydlarini o‘tkaza boshladi, deb xabar beradi “TASS”. Reyd o‘tkazish haqidagi qarorning qabul qilinishiga oxirgi paytlarda to‘ylarning tobora yevropacha ko‘rinish kasb etayotganligi sabab bo‘ldi.

“To‘ylarda boshqa madaniyat vakillaridan o‘zlashtirilgan odatlar qo‘llanila boshlandi. Kelinning raqs tushishi, tort kesish, bir paytning o‘zida bir nechta juftlikning raqs davrasiga chiqishi shular jumlasidandir. Ko‘pchilik yigit-qizlar ham milliy va diniy kelib chiqishiga mos bo‘lmagan kiyimlarda to‘ylarga tashrif buyurmoqda”, — deyiladi madaniyat departamenti xabarida.

Reydlar ikki haftadan beri o‘tkazilmoqda. Uni o‘tkazuvchi guruh tarkibiga milliy to‘ylarni o‘tkazish sohasida chuqur bilimga ega bo‘lgan kishilar kiritildi.

Oldinroq Checheniston rahbari Ramzan Qodirov respublikada ochiq to‘y liboslari sotuvini cheklashga chaqirgandi.