Makka yaqinidagi Mino vodiysida ziyoratchilarning to‘planib qolishi oqibatida yuzaga kelgan tiqilinch tufayli halok bo‘lganlar soni 453 kishiga yetdi. Bu haqda, Saudiya Arabistoni fuqaro muhofazasi boshqarmasiga asoslanib, “RIA Novosti” xabar bermoqda.
Jabrlanganlarning soni esa 719 kishini tashkil etmoqda.
Eslatib o‘tamiz, oldinroq baxtsiz hodisa natijasida 310 kishining halok bo‘lgani xabar qilingan edi.
Tiqilinch haj marosimlaridan biri — shaytonga tosh otish vaqtida ro‘y bergan. Marosim vaqtida 100 minglab odamlar bir joyga to‘planib qolgan va tartibsiz harakat qilgan.
Hozircha vafot etgan ziyoratchilarning fuqaroligiga oydinlik kiritilmadi. Ammo voqea asosan Saudiya Arabistoni fuqarolari uchun mo‘ljallangan sektorda sodir bo‘lgani xabar berilmoqda.
Izoh (0)