OAV: AQSh Germaniyadagi aviabazaga yangi atom bombalarini joylashtiradi

AQSh Germaniya g‘arbidagi aviabazaga yigirmaga yaqin yangi B61-12 atom bombasini joylashtirishni rejalashtirmoqda. Bu haqda “TASS” xabar beradi.

“Reynland-Pfals hududida joylashgan Byuxel yaqinidagi bundesver aviabazasida shu kunlarda Amerikaning yangi atom bombalarini joylashtirishga tayyorgarlik ko‘rish boshlanmoqda. Buni Frontal 21 ko‘rsatuvida mavjud bo‘lgan AQShning budjet rejalari tasdiqlaydi. Rejaga ko‘ra, 2015-yilning uchinchi choragidan boshlab budjetda AQSh Harbiy-havo kuchlari tomonidan ‘Tornado’ nemis qiruvchi-bombardimonchi samolyotlarini yangi B61-12 yadroviy quroli bilan ta’minlash uchun mablag‘ ajratish ko‘zda tutiladi”, — deyiladi ZDF nemis telekanali saytida.

Ekspertlarning baholashicha, Byuxel yaqinidagi aviabazada sovuq urush davridan buyon 10—20 ga yaqin Amerika atom bombasi mavjud.