Dubay amiri va BAA bosh vaziri Muhammad bin Rashid al-Maktumning katta o‘g‘li Shayx Rashid bin Muhammad al-Maktum yurak xurujidan vafot etmagan, balki Yaman hududidagi harbiy harakatlarda halok bo‘lgan. Bu haqda “TASS” xabar beradi.
“Shayx Rashid va yana bir necha BAA harbiy xizmatchilari Yamanning Marib viloyatida ‘Ansor Alloh’ harakati tarafdorlarining artilleriyadan o‘qqa tutishi oqibatida o‘ldirilgan”, — deb ta’kidlaydi Eronning “Fars” agentligi. Ushbu xabarni Yamanning yuqorida keltirilgan hududidagi harbiy harakatlarda ishtirok etgan guvohlar ham tasdiqladi.
Eslatib o‘tamiz, 19-sentabr kuni Shayx Rashid bin Muhammad al-Maktumning 34 yoshida yurak xurujidan vafot etganligi ma’lum qilingan edi.
Amirlik hukumati hodisa tafsilotlarini ma’lum qilmadi.
Izoh (0)