Italiyalik neyrojarroh inson boshini ko‘chirib o‘tkazish bo‘yicha dunyodagi birinchi operatsiyada unga kim sheriklik qilishini ma’lum qildi, deb yozadi Xitoyning “Sinxua” agentligi.
Kanavero bilan birga operatsiyani xitoylik jarroh Ren Syaopin olib boradi. Xitoylik mutaxassisning klinik etiologiya (kasallik kelib chiqish sabablarini o‘rganish) sohasidagi ishlari tufayli, Kanavero uni tanlagan.
Syaopinning jamosi bugungi kungacha sichqonlarda bosh ko‘chirish bilan bog‘liq mingga yaqin operatsiya o‘tkazgan, bunda transplantatsiyadan so‘ng sichqonlar eng uzog‘i bilan bir kun yashagan.
Eslatib o‘tamiz, 8-aprel kuni boshni ko‘chirib o‘tkazish bo‘yicha operatsiya uchun ilk nomzod Rossiyaning Vladimir shahrida yashovchi 30 yoshli dasturchi Valeriy Spiridonov bo‘lishi ma’lum bo‘ldi.
Izoh (0)