AQShning tennis bo‘yicha ochiq chempionatida italiyalik Flaviya Pennetta va ruminiyalik Monika Nikulesku o‘rtasida bo‘lib o‘tayotgan musobaqa kortga qulab tushgan dron tufayli vaqtinchalik to‘xtatildi. Bu haqda New York Daily News xabar beradi.
“Men biroz qo‘rqib ketdim. Kortga qulab tushgan dronni bomba deb o‘yladim”, — deydi italiyalik tennischi.
Politsiya tomonidan o‘tkazilgan tadbirlar natijasida uchuvchisiz qurilmaning egasi qo‘lga olindi. Gadjet egasi Bruklin Innovatsion texnologiyalar akademiyasining 26 yoshli o‘qituvchisi Daniel Verley ekanligi aniqlandi. Unga texnik qurilmadan belgilanmagan joyda foydalanganlik yuzasidan ayblov e’lon qilindi.
Dron bo‘sh o‘ringa qulab tushganligi uchun stadiondagilardan hech kim jabrlanmadi. Musobaqa Pennettaning g‘alabasi bilan yakunlandi.
Izoh (0)