Sarayevo shahri (Bosniya va Gersegovina)da sport kurashlari bo‘yicha o‘smirlar o‘rtasida o‘tkazilayotgan jahon chempionatida yunon-rum kurashi bo‘yicha musobaqalar yakuniga yetdi, deb xabar bermoqda “Olamsport”.
E’tiborlisi, mazkur musobaqalarda O‘zbekiston sharafini himoya qilgan To‘rabek Tirkashev (-46 kg) barcha raqiblari ustidan g‘alaba qozonib, oltin medalga sazovor bo‘ldi. Saralash bahslarida Aystis Laugminas (Litva) hamda Sultan Oljas (Qozog‘iston)ni mag‘lub etgan iste’dodli sportchi yarim finalda Kaito Inaba (Yaponiya)ni, finalda esa Kerem Kamol (Turkiya)ni mag‘lub etdi.
Eslatib o‘tamiz, To‘rabek Tirkashev joriy yilning 11—14-iyun kunlari Hindistonda o‘smirlar o‘rtasida bo‘lib o‘tgan Osiyo chempionatida bronza medaliga sazovor bo‘lgan edi.
Yunon-rum kurashi bo‘yicha bo‘lib o‘tgan musobaqalarda ishtirok etgan yana bir o‘zbekistonlik umidli sportchi Abubakr Alimov (-69 kg) beshinchi o‘rinni egalladi.
Izoh (0)