Livan poytaxti markazida hukumat va namoyishchilar o‘rtasida kurashlar davom etmoqda, deb yozadi “TASS”. Hukumat saroyi yaqinidagi Riyod Solx maydonida 23-avgust, yakshanba kuni kechqurun kamida 10 ming kishi to‘plandi.
Dastlab so‘l muxolifat kuchlari, kasaba uyushmalari va yoshlar tashkilotlari tashabbusi bilan o‘tkazilayotgan norozilik aksiyasi tinch o‘tayotgan edi, biroq keyinroq yoshlarning tajovuzkor guruhi maydonni tikanli simlardan tozalashga urindi. Bunga javoban, politsiya olomonni saroy atrofidan nari haydab, suv sochuvchi qurol va ko‘zni yoshlantiruvchi gazdan foydalandi. Tartibsizlik ishtirokchilari esa tartib soqchilariga tosh va suv idishlarini otib, axlat uyumlarini yoqib, ularni provokatsiya qilishda davom etmoqda.
Livan poytaxti Bayrutda bo‘lib o‘tgan norozilik namoyishi ishtirokchilari hukumat iste’fosini talab qildi.
Muxolifat vakillarining so‘zlariga ko‘ra, hukumat shahar ko‘chalarini tozalash va chiqindilarni yo‘q qilish muammosini hal qila olmayotgani sababli odamlar ko‘chalarga chiqqan.
Izoh (0)