Portugaliyalik futbolchi Krishtianu Ronaldu Nyu-Yorkda o‘ziga kvartira sotib oldi, deya xabar bermoqda The New York Post. “Tramp-tauer” binosidagi loft unga 18,5 million dollarga tushdi.
Madridning “Real” klubi forvardi yangi kvartirasining maydoni 233 kvadrat metrga teng, u Beshinchi avenyudagi osmono‘par binoning yuqori qavatida joylashgan. U yerda avval milliarder Alessandro Proto yashagan.
“Tramp-tauer” (Trump Tower) yoki “Tramp minorasi” — Nyu-Yorkdagi 58 qavatli osmono‘par bino. U Donald Tramp va Equitable Life Assurance Company sug‘urta kompaniyasi hamkorligida 1983-yilda qurib bitkazilgan.
Izoh (0)