Ispaniya Superkubogining javob o‘yinida “Barselona” klubi o‘z maydonida Bilbaoning “Atletik” jamoasini qabul qildi, deb xabar beradi “Uff.uz”.
Dastlabki o‘yinda “Atletik” ko‘pchilik uchun kutilmaganda “Barselona”ni yirik 4:0 hisobida mag‘lub etgan edi. Javob o‘yinida 1:1 hisobidagi durang qayd etildi.
Dastlab, Messi 43-daqiqada jamoasini hisobda oldinga olib chiqqan bo‘lsa, oldingi o‘yinda xet-trikka erishgan Aduris 74-daqiqada hisobni tenglashtirdi.
Shu tariqa ikki o‘yin natijasiga ko‘ra, “Barselona”ni yirik 5:1 hisobida taslim etgan “Atletik” Ispaniya Superkubogining sohibiga aylandi.
Izoh (0)