O‘zbekiston oliy ta’lim muassasalariga kirish imtihoni natijalari yaqin kunlarda e’lon qilinishi kutilmoqda. Bu haqda Davlat test markazi “Daryo”ga ma’lum qildi. Natijalar aynan qaysi sanada e’lon qilinishi hozircha ma’lum emas, biroq bu aniq bo‘lishi bilan “Daryo” orqali xabar topishingiz mumkin.
Qayd etish joizki, 2013-yilda kirish imtihonlari natijalari 16-avgust kuni, 2014-yilda ham 16-avgust kuni e’lon qilingan. 2015-yilda OTMlarga 605 836 nafar abituriyent hujjat topshirib, rekord qayd etilgan edi. 2014-yilda 543 131 ta, 2013-yilda 480 447 ta, 2012-yilda esa 432 mingdan ortiq hujjat topshirilgan.
O‘z navbatida, shu kunlarda Telegram messenjerida “Daryo”ning 2013-yilgi test natijalari e’lon qilinishi to‘g‘risidagi xabari tarqalayotgani ham ma’lum bo‘ldi. Foydalanuvchilardan ushbu xabar eski ma’lumotligiga va uning sanasi 2013-yil 15-avgust ekanligiga e’tibor qaratish so‘raladi.
Izoh (0)