O‘zbekistonlik iste’dodli yosh shaxmatchi Javohir Sindorov 10 yoshgacha bo‘lgan bolalar o‘rtasidagi Osiyo chempionatida muddatidan avval g‘oliblikni qo‘lga kiritdi, deb xabar bermoqda “12news.uz”.
Janubiy Koreyaning Suvon shahrida davom etayotgan Osiyo chempionatida 9-avgust kuni 8-tur o‘yinlari bo‘lib o‘tdi. Musobaqa yakunlanishiga hali bir tur qolganiga qaramay, Javohir 8 imkoniyatdan 7,5 ochko jamg‘ardi va o‘zining eng yaqin ta’qibchisidan 2 ochkoga ilgarilab ketdi.
Rapid, blits va klassik shaxmat bo‘yicha maktab o‘quvchilari o‘rtasida jahon va Osiyo chempioni hisoblangan shaxmatchi o‘z yoshi toifasida standart shaxmat bo‘yicha ilk marta Osiyo chempioniga aylandi. Bu uning Suvondagi ikkinchi oltin medali bo‘lib, yaqindagina u shu yerda Osiyo yoshlar o‘yinlarida rapid yo‘nalishida chempionlikni qo‘lga kiritgan edi.
Izoh (0)