Buxorolik fotorassom Anzor Buxarskiy (Solijonov) Rigada ikki haftalik mahorat darslarini o‘tkazdi, deya xabar bermoqda “Vostochniy ekspress”.
Mahorat darslari ishtirokchilari suratga olish, obyektni to‘g‘ri tanlash, kadr makonini tashkil etish sirlaridan boxabar bo‘ldi. Hujjatli fotosuratlarda sahna elementlarining bo‘lishi masalasi alohida tilga olindi. Tayyor fotosuratlar ustida ishlash, ularni chop qilish, tanlovlarda qatnashish muhokama qilindi.
Nazariy qism amaliyot bilan mustahkamlandi: mahorat darsi ishtirokchilari olgan bilimlarini amalda qo‘llab ko‘rdi, shundan so‘ng buxorolik fotosuratchi bilan birga bajarilgan ish yakunlarini muhokama qildi.