FIFA tashkiloti milliy terma jamoalarning yangi reytingini e’lon qildi. Unga ko‘ra, O‘zbekiston milliy terma jamoasi yana bir pog‘ona pastlab, 76-o‘rindan joy oldi, deb xabar beradi “Uff.uz”.
O‘zbekiston iyul oyi reytingida ham bir pog‘ona pastlagandi.
Osiyo jamoalari ichida O‘zbekiston Eron, Yaponiya, Janubiy Koreya, Avstraliya hamda BAA termalaridan keyin 6-o‘rinda bormoqda.
FIFA reytingini hamon Argentina terma jamoasi boshqarib turibdi. Shu paytga qadar ikkinchi o‘rinda borgan Germaniya termasi 3-o‘rindagi Belgiya bilan joy almashdi. Keyingi o‘rinlarda Kolumbiya, Braziliya, Portugaliya, Ruminiya, Angliya, Uels terma jamoalari bormoqda.
Kopa Amerika musobaqasida bosh sovrinni qo‘lga kiritgan Chili terma jamoasi kuchli o‘nlikdan o‘rin olgani ham e’tiborga molik.
1. Argentina2. Belgiya3. Germaniya4. Kolumbiya5. Braziliya6. Portugaliya7. Ruminiya8. Angliya9. Uels10. Chili41. Eron54. Janubiy Koreya56. Yaponiya61. Avstraliya70. BAA76. O‘zbekiston
FIFA reytingi bilan quyidagi manzilda to‘liq tanishib chiqishingiz mumkin.
Izoh (0)