Rossiyaning Sankt-Peterburg shahridagi to‘y korteji ishtirokchilari otishma keltirib chiqardi. Bu haqda LifeNews xabar bermoqda.
Nashrning politsiyadagi manbalari bergan ma’lumotga ko‘ra, shahar aholisi Admiralteyskiy tumanida to‘q ko‘k rangli Bentley avtomobilini boshqarib ketayotgan noma’lum shaxslar havoga qarata o‘qotar quroldan o‘t ochganini ma’lum qilgan. Shuningdek, guvohlar Audi va BMW avtomobillaridan ham o‘q otilgani ustidan shikoyat qilgan.
Keyinroq mazkur avtomobillarning barchasi bitta to‘y kortejida ketayotgani ma’lum bo‘ldi. Avtomobillar 24-iyul kuni bo‘lgan to‘y uchun mahalliy ishbilarmonlarning biri tomonidan ijaraga olingan.
Qayd etishlaricha, biznesmenning o‘zi otishma yuz berganini rad etmoqda. Uning ma’lum qilishicha, kortej faqat bir marta — svetoforning taqiqlovchi qizil chirog‘iga o‘tib ketib, faqatgina yo‘l harakati qoidalarini buzgan, xolos.
Izoh (0)