Taekvondoning WTF yo‘nalishi bo‘yicha amaldagi jahon chempioni Dmitriy Shokin nufuzli Korea Open turnirining yarim finaliga chiqdi, deb xabar qiladi “Olamsport.com”.
Kecha, 23-iyul kuni o‘tkazilgan saralash bahslarining ikki bosqichida o‘zbekistonlik taekvondochi raqiblarini mag‘lubiyatga uchratdi.
O‘z vazn (+87) toifasida dunyoning eng kuchli taekvondochisi bo‘lib turgan Dmitriy bu bilan kamida xalqaro turnirning bronza medalini naqd qildi. Bugun, 24-iyul kuni u yarim final bellashuvida ishtirok etadi.
Bir kun avval -87 kg vazn toifasida dunyoning birinchi raqamli taekvondochisi hisoblangan Jasur Boyqo‘ziyev Korea Open turnirining oltin medali hamda Rio-2016 Olimpiadasining muhim 20 reyting ochkosiga ega bo‘lgandi.
Izoh (0)