“Barselona”ning argentinalik hujumchisi Lionel Messi Gabondagi bo‘lg‘usi stadionning ilk toshini qo‘yish marosimidagi ishtiroki uchun 3,5 million yevro oladi. Bu haqda France Football nashriga asoslanib “TASS” xabar berdi.
O‘tgan haftada Messi Port-Jantil shahridagi stadionning ilk toshini Gabon prezidenti Ali ben Bongo Ondimboy bilan birgalikda qo‘ygan edi. Taniqli futbolchining tashrifi Gabon prezidentning do‘sti bo‘lmish Turkiyaning “Antalyaspor” klubi hujumchisi Samuel Eto’O tomonidan tashkillashtirilgani aytilgan.
Stadion 2016-yil noyabr oyigacha qurib bitkazilishi rejalashtirilmoqda va 2017-yilda Afrika millatlar kubogi o‘yinlarini qabul qilishi mumkin. Stadion 20 ming muxlisni sig‘dira oladi.
Izoh (0)