AQShning Kolorado shtati sudi 2012-yilda kinoteatr binosida otishma uyushtirgan Jeyms Xolmsni unga nisbatan qo‘yilgan ayblovning barcha 165 ta bandi bo‘yicha aybdor deb topdi. Bu haqda Meduza xabar beradi.
Shu bilan birga Xolms 12 kishini o‘ldirishda va kinoteatrga tashrif buyurgan 70 dan ortiq kishining hayotiga qasd qilishda aybdor deb topildi.
Kelayotgan ikki hafta ichida Xolmsga nisbatan tayinlanadigan jazo chorasi haqida qaror qabul qilinadi. Unga umrbod qamoq yoki o‘lim jazosi tayinlanishi kutilmoqda.
2012-yilning 20-iyul kunida Kolorado shtatining Avrora shahridagi Century 16 kinoteatriga hujum qilgan Xolms, jinoyatni sodir etayotgan paytda o‘z harakatlari uchun javob bera oladigan ahvolda bo‘lgan deb topildi.
Izoh (0)