11-iyul kuni soat 10:00 da Toshkent shahrining Sebzor dahasida “Erkatoy” tarmog‘ining navbatdagi o‘yinchoqlar do‘konining ochilishi bo‘lib o‘tdi.
Bu “Erkatoy” tarmog‘ining oltinchi do‘koni hisoblanadi. Hozirgacha Toshkent shahrida to‘rtta – Nukus ko‘chasida, “Lokomotiv” istirohat bog‘ida, “Chilonzor” va “Samarqand Darvoza” savdo markazlarida hamda Farg‘ona shahrida bitta “Erkatoy” do‘koni faoliyat yuritayotgan edi.
“Erkatoy” tarmog‘ining shiori har joyda mijozlarga yaqinlashish va ular uchun qulaylik yaratish bo‘lib, Sebzorda yangi do‘kon ochilishi ham ana shu so‘zlarning amaldagi ifodasi bo‘ldi.
Yangi do‘konda butun tarmoqdagi singari Trudi, Mattel, Sevi, Ferrari, HTI, Smoby singari jahonga mashhur brendlarning o‘yinchoqlarini xarid qilish mumkin. Barcha mahsulotlar yuqori sifatga ega va mustahkam bo‘lib, to‘g‘ridan-to‘g‘ri Yevropadan, ishlab chiqaruvchilarning o‘zlaridan olib kelinadi. “Erkatoy” ularning rasmiy dileri hisoblanadi.
Bundan tashqari, yuqori sifatli o‘yinchoqlar savdosiga ixtisoslashgan “Erkatoy” o‘z faoliyatini kengaytirib, endilikda bolalar uchun zarur bo‘lgan barcha narsalar – bolalar kiyimlari, aksessuarlar, aravachalar, belanchaklar, shuningdek, onalar uchun kerakli buyumlarni ham xaridorlar e’tiboriga havola etadi. Sebzordagi yangi do‘konda mijozlar ushbu imkoniyatlardan foydalanishi mumkin, Nukus ko‘chasidagi do‘konda ham yaqin orada yangi mahsulotlar uchun maxsus bo‘lim ochilishi kutilmoqda.
“Erkatoy” ushbu sohada ham mashhur brendlarning yuqori sifatli mahsulotlarini xaridorlarga qulay narxlarda yetkazib berishga alohida e’tibor qaratadi. Jumladan, “Erkatoy” Italiyaning bolalar va onalar uchun zarur buyumlar ishlab chiqaruvchi Brevi kompaniyasining rasmiy dileri hisoblanadi. Shuningdek, “Erkatoy” tarmoqlarida Baby Born brendi mahsulotlarini ham xarid qilish mumkin.
“Erkatoy” bolalarga tabassum hadya qilish uchun izlanishlar qilib, yangiliklar taqdim etishdan charchamaydi. Shunday yangiliklardan biri yaqin kunlarda ochilishi kutilayotgan kitoblar bo‘limidir. Ushbu bo‘limda bolalar uchun 80 dan ortiq turdagi kitoblarni, jumladan, 3D kitoblar, musiqali kitoblar, bo‘yash uchun suratli kitoblar taqdim etiladi.
Do‘kon doimiy mijozlar uchun alohida qulayliklar joriy etgan. Ular diskont tizimiga a’zo bo‘lish orqali har safar yangi xarid vaqtida turli chegirmalar va sovg‘alarga ega bo‘ladi.
“Erkatoy” internet orqali ham mijozlar bilan mustahkam aloqalarni yo‘lga qo‘ygan. Mijozlar o‘zlariga yoqqan mahsulotlarni www.erkatoy.com sayti orqali xarid qilishlari mumkin. Tarmoqning Facebook va Instagram ijtimoiy tarmoqlaridagi sahifalari ham faol aloqani qo‘llab-quvvatlaydi.
“Erkatoy” o‘z an’anasiga sodiq qolgan holda mijozlarga yanada yaqinlashishda va yangi do‘konlar ochishda davom etadi. Sebzordagi do‘kon shunday ishlarning bir qismidir.
Mahsulotlar sertifikatlangan. Reklama huquqi asosida
Izoh (0)