Rossiya Prezidenti Vladimir Putin O‘zbekiston Prezidenti Islom Karimovni Rossiyaga joriy yilda davlat tashrifi bilan kelishga taklif qildi, deb xabar bermoqda “TASS”.
“Bu yil biz ittifoqchilik munosabatlarining o‘n yilligini nishonlaymiz. Shu munosabat bilan Sizga anchadan buyon Rossiyaga davlat tashrifi bilan kelmaganingizni eslatmoqchiman. Biz doimiy ravishda muloqot qilib turamiz, uchrashamiz. Siz tez-tez Rossiyada bo‘lib turasiz. Lekin bunday rasmiy diplomatik narsalar o‘z mazmuniga ega va men Sizni Rossiyaga davlat tashrifi bilan kelishingizni taklif qilaman”, — dedi Putin O‘zbekiston Prezidenti bilan ikki tomonlama uchrashuv chog‘ida.
O‘z navbatida, O‘zbekiston Prezidenti Islom Karimov rossiyalik hamkasbining ushbu taklifini qabul qilib, Rossiyaga joriy yilda davlat tashrifi bilan borishga va’da berdi.
Izoh (0)