Avstraliyaning Melburn shahrida taekvondo-WTF bo‘yicha musobaqa davom etmoqda. Stadion.uz’ning xabar berishicha, Rio-2016 Olimpiadasi yo‘llanmalari uchun reyting ochkolari o‘ynalayotgan musobaqada o‘zbekistonlik uch sportchi ishtirok etmoqda.
Musobaqaning ilk kuni dayanga chiqqan jahon chempioni Dmitriy Shokin barcha raqiblarini mag‘lubiyatga uchratib oltin medal va 20 reyting ochkosini qo‘lga kiritgan edi.
Yana bir o‘zbekistonlik sportchi, jahon vitse-chempioni, dunyo reytingida 1-o‘rinni egallab turgan Jasur Boyqo‘ziyev 87 kilogrammgacha bo‘lgan vazn toifasida kumush medalga sazovor bo‘ldi. Jasur hal qiluvchi final bahsida xitoylik Jao Yongga imkoniyatni boy berdi.
O‘zbekiston terma jamoasining uchinchi a’zosi – Umida Abdullayeva esa ilk bahsdayoq raqibasiga yutqazib qo‘ydi.
Ma’lumot o‘rnida shuni aytish kerak, o‘tgan yilgi musobaqada Nikita Rafalovich g‘oliblik shohsupasiga ko‘tarilgan edi, Dmitriy Shokin kumush, Jasur Boyqo‘ziyev esa bronza medaliga sazovor bo‘lgandi.
Izoh (0)