AQShning Michigan shtatidagi Detroyt shahri yaqinida joylashgan Inkster shaharchasida 17-iyun tunida dunyoning eng keksa odami Jeralien Telli 116 yoshida uyqu vaqtida vafot etdi, deb xabar bermoqda Fox 2 Detroit.
Telli joriy yilning aprel oyida arkanzaslik Gertruda Uiver 116 yoshida vafot etgach dunyoning eng keksa kishisi deb topilgan. Telli jurnalistlarga nima istasa, shuni yeyishini, oilasini yaxshi ko‘rishini va Xudoga ishonishini ma’lum qilgan edi.
Uiver esa dunyoning eng keksa odami nomi bilan bir haftaga yaqin yashagan. U 2015-yil 1-aprelda yaponiyalik 117 yoshli Misao Okava vafot etgach dunyoning eng keksa kishisi deb topilgan.
Eslatib o‘tamiz, Qoraqalpog‘istonning To‘rtko‘l tumanida yashagan To‘ti momo Yusupova 135 yoshida vafot etgani haqidagi xabar ham 2015-yil 1-aprel kuni berilgan edi.
Izoh (0)