Toshkent metrosida tashqi va ichki ko‘rinishi yangi bo‘lgan vagonlar ishga tushirildi. Buni tasdiqlovchi suratlar ijtimoiy tarmoqlarda paydo bo‘ldi, deb xabar bermoqda “Uz24.uz”.
Avval xabar qilinganidek, yangilangan vagonlar zarur sinovlardan o‘tkazilgach, shu yilning birinchi yarim yilida metropolitenning Chilonzor yo‘lida ishga tushirilishi kerak edi.
Eslatib o‘tamiz, joriy yilning fevral oyida “Toshshahartransxizmat” AK Toshkent metropolitenining 6 ta vagoni ta’mirlashga qo‘yilgani, kapital ta’mirlangandan so‘ng vagonlar nafaqat yangi ko‘rinishga ega bo‘lishi, balki ularning ichki dizayni ham o‘zgarishi haqida ma’lum qilgan edi.
Shuningdek, ijtimoiy tarmoqlarda yangi vagonlarning ichki ko‘rinishi aks etgan suratlar ham tarqalgan edi. Mazkur vagonlarning ekspluatatsiyasi 15 yilga uzaytiriladi.
Izoh (0)