18-iyun kuni Yaponiyaning Tokio ko‘rfaziga kiraverishda joylashgan Amerikaning Yokosuka harbiy dengiz bazasiga AQSh harbiy dengiz kuchlarining Chancellorsville raketa kreyseri yetib keldi. U Aegis ko‘pmaqsadli kuzatish va xabar yetkazish tizimi bilan ta’minlangan, deb xabar beradi “TASS”.
Bu kemadan tashqari Yaponiyaga 2017-yil oxirigacha yana ikkita yuqoridagiga o‘xshash kreyserlarni kiritish rejalashtirilmoqda.
Baza qo‘mondonligining xabar qilishicha, Aegis tizimli qo‘shimcha uchta kemaning joylashtirilishi Vashingtonning Xitoy va KXDRni to‘xtatib turishga qaratilgan Osiyo va Tinch okeani hududiga burilish strategiyasining bir qismi hisoblanadi.
Yokosuka hududiga kiritilayotgan ushbu AQSh harbiy dengiz kuchlari kreyserlari soni, Yaponiyaga kuzda yetib keladigan Ronald Reagan harbiy kemasi bilan birgalikda 14 taga yetadi.
Chancellorsville kreyserining uzunligi 172 metrgacha yetib, undagi guruh 350 kishidan iborat. Kema bir necha turdagi raketalarni olib yuradi.
Izoh (0)