AQSh tarixida birinchi marta 10 dollarlik kupyuraga ayol kishining portreti tushiriladi, deya xabar bermoqda “Vedomosti”.
Yangi kupyura 2020-yilda muomalaga kiritiladi. Uning ko‘rinishi esa AQSh moliya vaziri Jeykob Lyu aytishicha, “Amerika demokratiyasi qadriyatlarini namoyish etadi”.
U banknotani aynan kimning rasmi bezab turishiga aniqlik kiritmadi. Bunga jamoatchilik fikrini hisobga olgan holda qaror qilinadi. Takliflar yoz bo‘yi yig‘ilib, natijalar yilning ikkinchi yarmida ma’lum qilinadi.
Lyu aniqlik kiritishicha, ayollar yuzlari Amerika pullarida avval ham paydo bo‘lgan, AQSh birinchi prezidentining rafiqasi Marta Vashington, 1880-yillardagi hindular malikasi Pokaxontas shular jumlasidandir.
Ayol kishining profili tushirilgan kupyuralarning paydo bo‘lishi AQSh Konstitutsiyasiga ayollarga ovoz berish huquqini taqdim etgan tuzatish kiritilganiga 100 yil to‘lishiga bag‘ishlanadi.
Izoh (0)