Facebook’dagi “Voditeli Tashkenta” guruhiga futbol muxlisi O‘zbekiston terma jamoasining mag‘lubiyatlariga munosabati aks etgan bannerni Nexia avtomobili orqa oynasiga joylashtirgani aks etgan fotosurat qo‘yildi.
Futbol maydoni fonidagi bannerda O‘zbekiston terma jamoasining surati bo‘lib, uning ostiga O‘zbekiston — Eron 0:1, KXDR — O‘zbekiston 4:2, O‘zbekiston — Madagaskar 0:8 va Antarktida — O‘zbekiston 15:0 hisoblari yozib qo‘yilgan. Qayd etish lozimki, dastlabki ikki hisob 11 va 16-iyun kunlari qayd etilgan bo‘lsa, keyingi ikkitasi kinoya tarzida yozilganini taxmin qilish mumkin.
Shuningdek, bannerda o‘tgan yil yozida Uznetni “portlatgan” “Ayrildik-ku bizlar” qo‘shig‘i ijrochisi Umidjon Shermatovning surati va qo‘shiqdagi alohida cho‘zib aytilgan “Negaaa” so‘zi ham keltirilgan. Bundan tashqari, “Qachongacha?”, “Muxlislarda nima ayb?” deya savollar berilgan.
Izoh (0)