Yevropa parlamenti Xalqaro futbol uyushmalari federatsiyasi (FIFA) prezidenti Zepp Blatterni o‘z lavozimini zudlik bilan prezident vazifasini vaqtincha bajaruvchiga topshirishga chaqirdi, deb xabar bermoqda “TASS”.
11-iyun kuni tegishli rezolyutsiyaga Yevroparlamentning Strasburgdagi sessiyasi doirasida ovoz berilgan. 10-iyun kuni ushbu rezolyutsiya loyihasi Yevroparlamentning barcha fraksiyalari tomonidan imzolangan, assambleya esa uni ma’qullagan.
Rezolyutsiya FIFA rahbari vazifasini vaqtincha bajaruvchini tayinlash taklifi hamda 2018 va 2022-yillardagi jahon chempionatlarini o‘tkazish uchun arizalar bo‘yicha tergov o‘tkazishga chaqiriqni o‘z ichiga oladi.
Eslatib o‘tamiz, 27-may kuni AQSh bosh prokurori Loretta Linch FIFA korrupsiya mojarosidagi olti ayblanuvchi 24 yil ichida jami 150 million dollar pora olganini ma’lum qilgan edi. O‘sha kuni Syurixda FIFAning qator amaldorlari qo‘lga olingan bo‘lib, hozirda AQShga ekstraditsiyasini kutmoqda.
Izoh (0)