“Barselona” klubi va Argentina terma jamoasi hujumchisi Lionel Messi ayni zamonning eng qimmat futbolchisi deb topildi. Bu haqda “Gazeta.ru” xabar bermoqda.
Xalqaro sport tadqiqotlari markazi (CIES) tomonidan olib borilgan izlanishlarga ko‘ra, Messining transfer bahosi 255,3 million yevrodan 280,8 million yevrogacha turadi.
Ikkinchi o‘rinni “Chelsi” yarim himoyachisi Eden Azar egalladi. Belgiyalik futbolchi 135,4—148,9 million yevroga baholandi.
Uchlikni “Real” forvardi Krishtianu Ronaldu yakunlab berdi — 113,3 million yevrodan 127,7 million yevrogacha.
Kuchli o‘nlikka quyidagi futbolchilar kirdi: Neymar (89,6—98,5 mln yevro), Serxio Aguero (78,2—86,0 mln yevro), Rahim Sterling (73,7—81,0), Pol Pogba (70,3—77,3 mln yevro), Diyego Kosta (69,9—76,9 mln yevro), Aleksis Sanches (67,8—74,6) va Xames Rodriges (62,5—68,8).
Izoh (0)