O‘zbekiston U-16 Osiyo chempionati saralashi qur’asida “A” guruhidan joy oldi

5-iyun kuni Malayziya poytaxti Kuala-Lumpur shahrida 16 yoshgacha bo‘lgan futbolchilar o‘rtasida 2016-yili bo‘lib o‘tadigan Osiyo chempionati saralash bosqichi uchun qur’a tashlash marosimi o‘tkazildi, deb xabar beradi O‘zbekiston futbol federatsiyasi matbuot xizmati.

Qur’a natijalariga ko‘ra, O‘zbekistonga “A” guruhidan joy oldi. Ushbu guruhda O‘zbekiston U-16 terma jamoasiga Yaman, Falastin hamda Maldiv qarshilik qiladi.

Guruh o‘yinlari 12–20-sentabr kunlari Falastinda bo‘lib o‘tadi.

Demak, qur’a natijalari quyidagicha:

“G‘arb” mintaqasi

A guruhi: O‘zbekiston Yaman, Falastin (mezbon), MaldivB guruhi: Nepal, Ummon, Qirg‘iziston (mezbon), IordaniyaC guruhi: Qatar (mezbon), Tojikiston, Iroq, TurkmanistonD guruhi: Saudiya Arabistoni, BAA, Pokiston, Bangladesh (mezbon)E guruhi: Eron (mezbon), Baxrayn, Hindiston, LivanF guruhi: Suriya, Kuvayt (mezbon), Afg‘oniston, Shri-Lanka

“Sharq” mintaqasi

G guruhi: Malayziya, Laos, Filippin, Shimoliy Marina orollari, Sharqiy TimorH guruhi: KXDR, Tailand, Singapur, KambojaI guruhi: Janubiy Koreya, Xitoy, Xitoy Taypey, MakauJ guruhi: Avstraliya, Vyetnam, Myanma, GuamK guruhi: Yaponiya, Gonkong, Bruney, Mo‘g‘uliston