Yangi Zelandiyada bo‘lib o‘tayotgan yoshlar o‘rtasidagi futbol bo‘yicha Jahon chempionati “F” guruhidan o‘rin olgan O‘zbekiston o‘zining mundialdagi ilk o‘yinini o‘tkazdi, deb xabar qiladi O‘zbekiston futbol federatsiyasi matbuot xizmati.
Ravshan Haydarov shogirdlari guruh bosqichidagi dastlabki o‘yinda Gonduras yoshlariga qarshi maydonga tushib, 3:4 hisobida mag‘lubiyatga uchradi.
Gonduras U-20 terma jamoasi o‘yinning 4-daqiqasidayoq Benavidesning goli evaziga hisobni ochgandi. Oradan 15 daqiqa o‘tib, Rochez hisobdagi farqni ikkitaga yetkazdi.
O‘zbekiston U-20 birinchi bo‘limni hisobdagi farqni qisqartirgan holda yakunladi. Doston Hamdamov 31-daqiqada aniq zarbasi bilan O‘zbekistonning ilk goliga mualliflik qildi. Birinchi bo‘lim ushbu hisob bilan yakunlandi.
O‘yinning ikkinchi bo‘limi ham huddi birinchisi kabi gondurasliklarning faolligi bilan boshlandi. 49-daqiqada Alvares o‘z hisobiga gol yozib, hisobni 1:3 ko‘rinishiga olib keldi.
O‘zbekistonliklar o‘yinning 79-daqiqasida Shomurodovning urinishi evaziga hisobni yana qisqartira olgan bo‘lsalarda, hakam tomonidan qo‘shib berilgan vaqtda Rochez o‘zining o‘yindagi ikkinchi golini kiritdi. Bu safar ham Haydarov jamoasi hisobdagi farqni bittaga qisqartira oldi. O‘rinboyev gol kiritgan vaziyatda uchrashuvning so‘nggi daqiqasi o‘tib borayotgandi — 3:4.
Shu tariqa O‘zbekiston yoshlar terma jamoasi jahon chempionatining ilk uchrashuvida mag‘lub bo‘ldi.
Guruhdagi boshqa bir o‘yinda Germaniya U-20 Fijini 8:1 hisobida mag‘lub etdi.
Endi O‘zbekiston U-20 germaniyalik tengdoshlariga qarshi 4 iyun kuni, Toshkent vaqti bilan 12:00da maydonga tushadi.
Jahon Chempionati. “F” guruhi.
O‘zbekiston (U-20) – Gonduras (U-20) 3:4Gollar: Hamdavom (31), Shomurodov (79), Urinboyev (90+5) — Benavides (4), Rochez (20, 90+1), Alvares (49)O‘zbekiston U-20: Sarvar Karimov, Mirjamol Qosimov (Ibrohim Abdullayev 46), Odil Hamrobekov, Akrom Komilov, Javohir Sohibov, Eldor Shomurodov, Otabek Shukurov, Xurshid G‘iyosov (Javohir Sidiqov 69), Doston Hamdamov (Temur Tolipov 86), Zabixillo O‘rinboyev, Doston Tursunov.Gonduras U-20: Lopes, Alvares (Kastilo 88), Paz, Monkada, Roches, Eskalante (Chirinos 81), Lopes (Suazo 69), Benavides, Elis, Pereyra, Flores.Ogohlantirishlar: Hamdamov (33), Tursunov (41), G‘iyosov (52), Sohibov (71).
Izoh (0)