Hindistonning Dumri-Isri shahriga minglab hinduiylar to‘rt qo‘l va to‘rt oyoqli bolaga sig‘inish va uning tug‘ilishini nishonlash uchun oqib kelmoqda, deb xabar berdi The Daily Mirror.
Ziyoratchilar bolani hinduiylik dinida to‘rt qo‘lli fil qiyofasida tasvirlanadigan hamda donishmandlik va farovonlikni ifodalaydigan Ganesha ma’budiga qiyoslamoqda. Bolaning bunday holati ona qornidagi ikki urug‘dan biri yaxshi rivojlanmagach, boshqasi bilan qo‘shilib ketishi oqibati deya taxmin qilinmoqda.
Qayd etilishicha, Hindistonda avval ham mutatsiya bilan tug‘ilgan bolalar shunday e’tiborga sazovor bo‘lgan. Jumladan, 17 santimetrli dumi bo‘lgan 13 yoshli Arshad Ali Xon Hanuman ma’budining qiyofasida deb e’lon qilingan.
Izoh (0)