16-aprel kuni tonggi soat 7:33 da Toshkent shahri Mirzo Ulug‘bek tumani Muhammad Yusuf ko‘chasida joylashgan avtobuslar shoh bekatida Mercedes va Isuzu rusumli avtobuslar to‘qnashib ketdi, deb xabar bermoqda “12news.uz”.
Guvohlarning so‘zlariga ko‘ra, 50-yo‘nalishda harakatlanuvchi Isuzu qayrilayotganda, 88-yo‘nalishda harakatlanuvchi Mercedes uning yon tomonidan kelib urilgan.
Mercedes haydovchisi oyog‘idan jiddiy bo‘lmagan jarohat olgan. Isuzu haydovchisi esa jiddiy shikastlanib, hushidan ketib qolgan va talvasaga tushgan. U shifoxonaga olib ketilgan. Hodisa vaqtida avtobuslarda yo‘lovchilar bo‘lmagani ma’lum qilingan.
Izoh (0)