15-aprel kuni UzMobile mobil aloqa milliy operatori GSM tarmog‘ining Toshkent shahri va Toshkent viloyatida tijoriy foydalanish uchun ishga tushirilganini e’lon qildi.
Ishga tushirish marosimi videokonferensiya shaklida Toshkent, Bekobod, Chirchiq va Olmaliq shaharlaridagi yettita savdo ofisida bo‘lib o‘tdi.
Marosimda O‘zbekiston Axborot texnologiyalari va kommunikatsiyalarini rivojlantirish vaziri Xurshid Mirzohidov, “O‘zbektelekom” aksiyadorlik kompaniyasi bosh direktori Abdurashid Abdumo‘minov va Huawei kompaniyasi vitse-prezidenti Van Xua ishtirok etdi.
Eslatib o‘tamiz, avvalroq UzMobile GSM tarmog‘ining tarif rejalari va “chiroyli raqamlari” narxlari ma’lum bo‘lgan edi. Keyinroq, UzMobile GSM, UMS, Ucell va Beeline internet paketlari qiyosiy tahlilini taqdim etgan edik.
Izoh (0)