10-aprel kuni Oliy Majlis Qonunchilik palatasida parlament palatalari qo‘shma majlisi bo‘lib o‘tdi. Majlisda 29-mart kuni bo‘lib o‘tgan Prezident saylovlarida g‘olib chiqqan Islom Karimovning inauguratsiyasi bo‘lib o‘tdi, deb xabar bermoqda “Uz24.uz”.
Markaziy saylov komissiyasi raisi Mirzo-Ulug‘bek Abdusalomov Islom Karimovga Prezident etib saylangani haqidagi guvohnomani taqdim etganidan so‘ng, Islom Karimov qasamyod qabul qildi.
“O‘zbekiston xalqiga sadoqat bilan xizmat qilishga, respublikaning Konstitutsiyasi va qonunlariga qat’iy rioya etishga, fuqarolarning huquqlari va erkinliklarini kafolatlashga, O‘zbekiston Respublikasi Prezidenti zimmasiga yuklatilgan vazifalarni vijdonan bajarishga tantanali qasamyod qilaman”, – deya qasamyod qildi Islom Karimov.
Shundan so‘ng, O‘zbekiston Respublikasi Prezidenti nutq so‘zladi.
Markaziy saylov komissiyasi raisi respublikaning barcha fuqarolari nomidan Islom Karimovni O‘zbekiston Prezidenti etib saylangani bilan tabrikladi.
Izoh (0)