Saudiya Arabistoni harbiy havo kuchlari samolyotlari Yamanda isyonchi xusiylar joylashgan nuqtalarga zarbalar berdi hamda Sanada ular nazorati ostidagi aviabazani va bir nechta arsenalni vayron qildi, deya xabar bermoqda “RIA Novosti”.
Bundan tashqari, havo operatsiyasi chog‘ida Saudiya Arabistoni samolyotlari isyonchilar havo hujumiga qarshi obyektlarining ko‘pchiligini yo‘q qildi.
Avvalroq Yaman poytaxti Sanada Fors ko‘rfazining qator mamlakatlari aviahujumlari natijasida 20 dan oshiq kishi halok bo‘lib, 30 dan ziyodi yarador bo‘lgani xabar qilingan edi.
Eslatib o‘tamiz, Saudiya Arabistoni Qurolli kuchlari Yaman hududida o‘z kampaniyasini boshladi. Yaman rasmiy hukumatini himoya qilish bo‘yicha jangovar operatsiyada yana to‘qqiz davlat, jumladan Quvayt, Bahrayn, BAA va Qatar qo‘shinlari ishtirok etmoqda.
Izoh (0)