Yaman prezidenti Abdu Rabbo Mansur Hodiy Adan shahridagi boshpanasidan noma’lum yo‘nalishga qarab qochdi, bunga shaharga xusiylar yaqinlashayotgani sabab bo‘ldi, deya xabar bermoqda “RIA Novosti”.
25-mart kuni avvalroq isyonchi xusiylar Adandan 60 kilometr naridagi yirik aviabazaga hujum qilgan edi. So‘nggi ma’lumotlarga ko‘ra, isyonchilar shaharga 40 kilometr masofagacha yaqin kelgan. Guvohlar so‘zlariga ko‘ra, shahardagi davlat xizmatchilariga uyga ketish haqida buyruq berilgan. Adanning ba’zi fuqarolari qurollanib olgan.
Avvalroq Saudiya Arabistoni Yaman bilan chegarasini mustahkamlash maqsadida u yerga zirhli texnikalarni joylashtirayotganligi xabar berilgan edi.
O‘z navbatida, Yaman prezidenti BMT Xavfsizlik kengashini Fors ko‘rfazi arab davlatlari hamkorligi kengashiga Yaman va uning xalqini xusiylardan himoya qilish uchun istalgan yordamni, jumladan harbiy intervensiya qilishni so‘ralgan murojaat yo‘llangani haqida rasman xabardor qildi.
Izoh (0)